ماضی میں پروپیگنڈا بہت کیا، ایک اینٹ بھی نہیں لگائی گئی: خواجہ آصف

ترکیہ میں قائم پاکستانی سفارتخانے میں ‘معرکہ حق’ کی کامیابی کا ایک سال مکمل ہونے پر ایک پروقار تقریب منعقد کی گئی، جس میں مختلف ممالک کے سفارتی نمائندوں، عسکری شخصیات اور پاکستانی کمیونٹی نے بھرپور شرکت کی۔ تقریب کے دوران وطنِ عزیز کی دفاعی کامیابیوں، قومی یکجہتی اور پاک ترکیہ برادرانہ تعلقات کے فروغ پر تفصیلی تبادلہ خیال کیا گیا۔

تقریب سے خطاب کرتے ہوئے مقررین نے ‘معرکہ حق’ کو خطے میں امن، استحکام اور قومی خودمختاری کی جدوجہد کی ایک روشن مثال قرار دیا۔ اس موقع پر وسطی ایشیا کو ایک بڑے بحران سے بچانے کے لیے فیلڈ مارشل سید عاصم منیر اور وزیراعظم پاکستان کی انتھک سفارتی و عسکری کوششوں کو خصوصی طور پر سراہا گیا۔

ترکیہ میں متعین پاکستانی سفیر ڈاکٹر جنید نے اپنے خطاب میں کہا کہ 10 مئی ہماری تاریخ میں ہمیشہ ایک درخشاں فتح کے طور پر یاد رکھا جائے گا۔ انہوں نے واضح کیا کہ پاکستان ایک پرامن ملک ہے لیکن اپنی خودمختاری اور آزادی پر کبھی سمجھوتہ نہیں کرے گا۔ سفیر کا مزید کہنا تھا کہ یہ دن محض جشن کا نہیں بلکہ دفاعِ وطن کے لیے ہر لمحہ مستعد رہنے کے عہد کی تجدید کا دن ہے۔ تقریب کے اختتام پر ‘معرکہ حق’ کی فتح کے مختلف پہلوؤں پر مبنی ایک دستاویزی فلم بھی پیش کی گئی۔