پاکستانی جہاز 8 کروڑ لیٹر ڈیزل لے کر آبنائے ہرمز عبور کر گیا

کراچی: پاکستان کے لیے ایندھن لے کر آنے والا جہاز آٹھ کروڑ لیٹر ڈیزل کے ساتھ آبنائے ہرمز عبور کر کے خلیج عمان میں داخل ہو گیا ہے۔ شپنگ ذرائع کے مطابق مذکورہ جہاز میں کویت سے خریدا گیا ڈیزل موجود ہے جو جلد پاکستان پہنچایا جائے گا۔

ذرائع کا کہنا ہے کہ جہاز آئندہ دو سے تین روز میں کراچی بندرگاہ پر لنگر انداز ہوگا، جس کے بعد ڈیزل کی ترسیل کا عمل شروع کیا جائے گا۔

حکام کے مطابق اس کھیپ کی آمد سے ملک میں پیٹرولیم مصنوعات کے ذخائر میں مزید استحکام آئے گا اور سپلائی کی صورتحال بہتر ہوگی۔