LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

امریکا کے 250 ویں یومِ آزادی پر پاکستانی سفیر رضوان سعید شیخ کا مبارکباد کا پیغام، روایتی سازوں پر تیار کردہ امریکی قومی ترانے کا منفرد تحفہ پیش

Web Desk

5 July 2026

ریاست ہائے متحدہ امریکا کے 250 ویں یومِ آزادی کے تاریخی اور پرمسرت موقع پر امریکا میں تعینات سفیرِ پاکستان رضوان سعید شیخ نے حکومت اور عوام کی جانب سے امریکی عوام کو دلی مبارکباد پیش کی ہے۔ اپنے خصوصی تہنیتی پیغام میں انہوں نے کہا کہ امریکا کی تاریخ آزادی اور جمہوریت کے حوالے سے ثابت قدمی، جدت اور عزم سے عبارت ہے، اور پاکستان کا قیام بھی آزادی و جمہوریت کی انہی اعلیٰ مشترک اقدار کے تحت معرضِ وجود میں آیا تھا۔

سفیرِ پاکستان نے پاک امریکا تعلقات پر روشنی ڈالتے ہوئے کہا کہ دونوں ممالک کے روابط گزشتہ آٹھ دہائیوں سے متعدد آزمائشوں پر پورے اترے ہیں اور یہ شراکت داری نہ صرف دوطرفہ بلکہ عالمی سطح پر ہمیشہ نتیجہ خیز ثابت ہوئی ہے۔ انہوں نے واضح کیا کہ آبادی کے لحاظ سے دنیا کے پانچ بڑے ملکوں میں شمار ہونے والے پاکستان اور امریکا کی اعلیٰ قیادت کے درمیان حالیہ کثرتِ روابط اور مختلف امور پر یکساں نقطہ نظر انتہائی اہمیت کا حامل ہے، جو دونوں ممالک کے درخشاں مستقبل کا عکاس ہے۔ رضوان سعید شیخ نے دیرپا شراکت داری کے لیے معدنیات، توانائی، آئی ٹی اور زراعت جیسے اہم شعبہ جات میں سرمایہ کاری اور تجارت پر مبنی تعاون کو مزید فروغ دینے کی ضرورت پر زور دیا۔

اس تاریخی موقع پر سفیرِ پاکستان نے امریکی حکومت اور عوام کے لیے پاکستانی کمیونٹی کی جانب سے ایک شاندار اور منفرد تحفہ بھی پیش کیا۔ نامور موسیقار سراج نارسی اور ان کی ٹیم کی جانب سے پاکستانی روایتی سازوں پر مرتب کردہ امریکی قومی ترانے کی دھن تحفتاً پیش کی گئی۔ سفیرِ پاکستان نے اس شاندار کاوش پر سراج نارسی اور ان کی پوری ٹیم کو زبردست خراجِ تحسین پیش کرتے ہوئے کہا کہ روایتی سازوں پر تیار کردہ یہ ترانہ پاک امریکا تعلقات کے ماضی، حال اور درخشاں مستقبل کا آئینہ دار ہے اور یہ امریکا میں مقیم پاکستانی کمیونٹی کے خلوص کا مظہر ہے۔

اپنے پیغام کے آخر میں رضوان سعید شیخ نے معاشی اور سفارتی تعاون کے فروغ کے لیے امریکا میں مقیم پاکستانی کمیونٹی کے متحرک کردار کو سراہا۔ انہوں نے امریکا کی تعمیر و ترقی میں بھرپور حصہ ڈالنے اور دونوں ممالک کے مابین ایک مضبوط سفارتی پل کا کردار ادا کرنے پر پاکستانی امریکیوں کی خدمات کی تعریف کی اور انہیں خصوصی خراجِ تحسین پیش کیا۔