پہاڑی اور بالائی علاقوں میں گلیشئر پگھلنے اورممکنہ خطرات کا الرٹ جاری کردیا گیا۔

پروونشل ڈیزاسٹر مینجمنٹ اتھارٹی (PDMA) نے خبردار کیا ہے کہ ملک میں گلیشئرز تیزی سے پگھلنے کے باعث دریاؤں اور ندی نالوں میں پانی کی سطح اچانک بلند ہو سکتی ہے، جس کے نتیجے میں گلیشیائی جھیلوں سے پانی کا اخراج (GLOF)، اچانک سیلاب اور لینڈ سلائیڈنگ کا شدید خطرہ پیدا ہو گیا ہے۔ ہنگامی صورتحال کے پیشِ نظر گلگت بلتستان اور خیبرپختونخوا کے گلیشئرز سے ملحقہ علاقوں کی مقامی انتظامیہ کو الرٹ جاری کر دیا گیا ہے۔  این ڈی ایم اے نے درج ذیل علاقوں کی انتظامیہ اور عوام کو خصوصی طور پر محتاط رہنے کی تاکید کی ہے  ان علاقوں میں ہنزہ، نگر، غذر، اسکردو، شگر، گانچھے، کھرمنگ، استور اور دیامر۔اپر چترال، لوئر چترال، سوات اور ان سے ملحقہ دیگر علاقے شامل ہیںحکام کی جانب سے جاری کردہ ایڈوائزری میں شہریوں کو نقل و حرکت محدود کرنے کی ہدایت کی گئی ہے. دریاؤں، ندی نالوں اور گلیشیائی جھیلوں کے قریب کسی بھی قسم کی غیر ضروری نقل و حرکت سے مکمل گریز کیا جائے۔ سیاح، مسافر اور مقامی آبادی گلیشئرز سے نکلنے والے ندی نالوں اور دریا کے کناروں پر جانے سے سختی سے اجتناب کریں۔ مقامی انتظامیہ کو کسی بھی ممکنہ ہنگامی صورتحال، راستوں کی بندش یا ریسکیو آپریشن کے لیے الرٹ رہنے اور تمام وسائل کو تیار رکھنے کا حکم دے دیا گیا ہے۔