نواز شریف کی زیر صدارت ن لیگ کے پارلیمانی بورڈ کا اجلاس، وزیر اعظم کی شرکت

پاکستان مسلم لیگ (ن) کے صدر محمد نواز شریف نے پارلیمانی بورڈ کے ہمراہ آزاد جموں و کشمیر کے 45 انتخابی حلقوں کے لیے 206 سے زائد امیدواروں کے انٹرویوز کیے ہیں۔ اس اعلیٰ سطحی اجلاس میں وزیراعظم شہباز شریف، نائب وزیراعظم اسحاق ڈار اور وزیراعلیٰ پنجاب مریم نواز سمیت پارٹی کی مرکزی قیادت نے شرکت کی۔ ذرائع کے مطابق، کامیاب امیدواروں کا حتمی فیصلہ نواز شریف بورڈ ارکان کی مشاورت سے کریں گے، جس کے بعد اگلے 30 روز کے اندر پارٹی ٹکٹس جاری کر دیے جائیں گے۔