نیب کراچی نے بحریہ ٹاؤن کے نام غیرقانونی طورپر الاٹ 6ارب کی زمین واگزارکرالی

قومی احتساب بیورو کراچی نے 6 ارب روپے مالیت  کی 80ایکڑ قیمتی سرکاری زمین واگزار کرالی۔  زمین غیر قانونی طور پر میسز بحریہ ٹاون کو الاٹ تھی۔

نیب کی جانب سے جاری کردہ اعلامیے کےمطابق زمین طور پر  8 جنوری 2015 کو  قواعد کیخلاف ورزی کرتے ہوئے محض 38 کروڑ 30 لاکھ روپے میں میسز بحریہ ٹاون  کو الاٹ کی گئی تھی ۔  زمین حیدر آباد  کی پراِئم لوکیشن  گلستان سرمست  ہاوسنگ ،دیھ گنجو ٹکر میں واقع ہے۔

نیب کے اعلامیے کے مطابق زمین یونیورسٹی کے قیام  کے لیے الاٹ کی گئی تھی۔یہ شرط رکھی گئی تھی کہ زمین پر 3 سال میں تعمیر مکمل کی جائیگی، بصورت دیگر  الاٹمنٹ منسوخ تصور ہوگی اور تمام ادائیگیاں ضبط کرلی جائیں گی تاہم میسرز بحریہ ٹاؤن شرائط پوری کرنے میں ناکام رہا۔

انکوائری  کے دوران ، نیب کراچی کو پتہ چلاکہ یر قانونی طور پر بحریہ ٹاون کو 80 ایکڑ قیمتی سرکاری زمین الاٹ کی گئی ۔ جس کی  مالیت اربوں میں ہے۔ نیب  کراچی کی کوششوں اور مداخلت  کے نتیجے  میں  حیدر آباد ڈیولپمنٹ اتھارٹی نے  بحریہ ٹاون کی طرف سے جزوی طور پر اد ا کی گئی رقم ضبط کرتے ہوئےالاٹمنٹ کو منسوخ کردی ۔ نیب کراچی کے اس اقدام سے قومی خزانے کو اربوں روپے کے نقصان سے بچالیاگیا۔