مہنگائی میں معمولی اضافہ ہوا، توانائی کی قیمتوں پر دباؤکا خدشہ ہے، ملکی معاشی آؤٹ لک رپورٹ جاری

ملکی معیشت مستحکم ہوئی ہے۔  رواں مالی سال کی تیسری سہ ماہی بہتر انداز میں مکمل ہوئی۔۔حکومت نے بڑا دعویٰ کر دیا۔

وزارت خزانہ  کی جانب سے ماہانہ ملکی معاشی آؤٹ لک رپورٹ جاری کردی۔۔رپورٹ کے مطابق مہنگائی میں معمولی اضافہ ہوا۔ مارچ میں افراط زر 7.3 فیصد ریکارڈکیا گیا جبکہ ترسیلات زر 30.3 ارب ڈالر تک پہنچ گئیں۔

رپورٹ میں کہاگیاہے کہ آئی ٹی ایکسپورٹس میں تقریباً 20 فیصد اضافہ ہوا ۔۔صنعتی پیداوارمیں 5.9 فیصد اضافہ  ہوا جبکہ گاڑیوں کی تیاریوں میں 51 فیصد، ٹرک اور بسوں میں 78 فیصد اضافہ ریکارڈکیا گیا۔۔

رپورٹ کے مطابق مالی خسارہ کم ہو کر صرف 0.1 فیصد جی ڈی پی رہ گیا۔۔ ایف بی آر ٹیکس وصولیوں میں 10 فیصد سے زائد اضافہ ریکارڈکیا گیا۔۔زرمبادلہ کے ذخائر 20.6 ارب ڈالر تک پہنچ گئے۔

معاشی آؤٹ لک رپورٹ میں بتایاگیاہےکہ مشرق وسطیٰ کشیدگی سے توانائی کی  قیمتوں اور سپلائی چین پر دباؤ کا خدشہ ہے۔۔عالمی منڈی میں تیل کی قیمتیں بڑھنے سے مہنگائی میں مزید اضافہ ہوسکتاہے۔پاکستان ماضی کے مقابلے میں بیرونی دباؤ کا مقابلہ کرنے کی بہتر پوزیشن میں ہے۔