وفاقی وزیر داخلہ محسن نقوی کا “ون کانسٹی ٹیوشن” پر دو ٹوک موقف؛ اسے ملکی تاریخ کا بڑا سکینڈل قرار دے دیا

وفاقی وزیر داخلہ محسن نقوی نے کہا ہے کہ “ون کانسٹی ٹیوشن” کے حوالے سے ان کا موقف آج بھی وہی ہے جو پہلے دن تھا، اور سی ڈی اے (CDA) کے مطابق یہ زمین غیر قانونی طور پر بیچی گئی ہے۔ انہوں نے اسے پاکستان کی تاریخ کا ایک بڑا سکینڈل قرار دیا جس میں سیاستدان، بیوروکریٹس، ججز اور بینکرز سمیت ہر طبقہ ملوث ہے۔ محسن نقوی کا کہنا تھا کہ 21 سال تک پیسے کھلائے جاتے رہے، اب وقت ہے کہ صرف عمارت کے پیچھے نہیں بلکہ ان لوگوں کے پیچھے جایا جائے جنہوں نے ملک کو نقصان پہنچایا۔ انہوں نے اس عزم کا اعادہ کیا کہ قانون سب کے لیے برابر ہے اور وہ اس کیس میں سی ڈی اے کے موقف کی بھرپور حمایت کریں گے۔