9 مئی سانحہ:ڈاکٹر یاسمین راشد سمیت دیگر کو 10،10 سال قید، شاہ محمود قریشی بری

لاہور: لاہور کی انسدادِ دہشت گردی عدالت نے 9 مئی کے واقعات کے دوران مغلپورہ میں پولیس کی گاڑیاں جلانے اور جلاؤ گھیراؤ کرنے کے مقدمے کا بڑا فیصلہ سنا دیا ہے۔ عدالت نے پاکستان تحریک انصاف (پی ٹی آئی) کے سینیئر رہنماؤں اعجاز چوہدری، سابق گورنر پنجاب عمر سرفراز چیمہ، ڈاکٹر یاسمین راشد اور میاں محمود الرشید کو جرم ثابت ہونے پر 10، 10 سال قید کی سزا سنائی ہے۔

دوسری جانب، عدالت نے اسی مقدمے میں نامزد سابق وزیر خارجہ اور پی ٹی آئی کے وائس چیئرمین شاہ محمود قریشی کو بری کرنے کا حکم جاری کیا ہے۔ واضح رہے کہ یہ کیس 9 مئی کے پرتشدد مظاہروں کے دوران لاہور کے علاقے مغلپورہ میں سرکاری املاک اور پولیس کی گاڑیوں کو مباینہ طور پر آگ لگانے کے الزامات کے تحت درج کیا گیا تھا، جس پر وکلاء کے دلائل اور طویل سماعتوں کے بعد عدالت نے آج اپنا حتمی فیصلہ محفوظ کرنے کے بعد سنایا ہے۔