چارسدہ میں شیخ الحدیث مولانا ادریس قاتلانہ حملے میں جاں بحق

چارسدہ کے علاقے اتمانزئی میں نامعلوم حملہ آوروں نے سابق رکن صوبائی اسمبلی اور معروف عالم دین شیخ الحدیث مولانا محمد ادریس کی گاڑی پر اندھا دھند فائرنگ کر دی، جس کے نتیجے میں وہ موقع پر ہی جاں بحق ہو گئے۔ اس افسوسناک واقعے میں مولانا ادریس کے دو گن مین بھی شدید زخمی ہوئے ہیں جنہیں ہسپتال منتقل کر دیا گیا ہے۔ پولیس نے علاقے کو گھیرے میں لے کر سرچ آپریشن شروع کر دیا ہے، جبکہ گورنر خیبر پختونخوا نے واقعے کی رپورٹ طلب کرتے ہوئے اسے ملک کا ناقابل تلافی نقصان قرار دیا ہے۔ ڈپٹی کمشنر چارسدہ نے ہسپتال پہنچ کر لواحقین سے تعزیت کی اور قاتلوں کی جلد گرفتاری کی یقین دہانی کرائی ہے۔