ماہ نور صفدر کی نکاح کی تقریب، شہباز شریف سمیت اہم شخصیات جاتی امرا پہنچ گئیں

لاہور: وزیراعلیٰ پنجاب مریم نواز شریف کی صاحبزادی ماہ نور صفدر کی نکاح کی کی تقریب ان کی رہائش گاہ جاتی امرا میں جاری ہے۔

ذرائع کے مطابق اس خاص موقع پر وزیراعظم شہباز شریف نکاح کی تقریب میں شرکت کے لیے جاتی امرا پہنچ گئے، جبکہ نائب وزیراعظم اسحاق ڈار اور صوبائی سینئر وزیر مریم اورنگزیب بھی تقریب میں شرکت کے لیے جاتی امرا پہنچ چکے ہیں۔ذرائع نے مزید بتایا کہ قائد مسلم لیگ (ن) و سابق وزیراعظم نواز شریف، کیپٹن (ر) صفدر، حسن نواز اور حسین نواز سمیت خاندان کے دیگر اہم افراد بھی اس تقریب میں موجود ہیں۔نکاح کی اس پروقار تقریب کو انتہائی محدود اور ذاتی رکھا گیا ہے، جس میں صرف شریف فیملی کے افراد، نزدیک ترین عزیز و اقارب اور خاندانی دوستوں کو مدعو کیا گیا ہے۔