بھارت کی شکست کا ایک سال مکمل، معرکہ حق کی مناسبت سے تقریب کا پرومو جاری

بھارت کی شکست کا ایک سال مکمل ہونے پر ’’تو یاد رکھیں‘‘ کے عنوان سے ایک پرومو جاری کیا گیا ہے جس میں قومی جذبے کو اجاگر کیا گیا ہے۔ پرومو میں اس بات پر زور دیا گیا ہے کہ پاکستان کی مسلح افواج نے اپنی بہادری سے ثابت کیا کہ ملکی سرحدیں ایک ناقابلِ تسخیر فولادی دیوار ہیں۔ اس دفاعی کامیابی نے واضح کر دیا ہے کہ پاکستانی قوم اپنے امن پر کبھی سمجھوتہ نہیں کرے گی۔ یہ پرومو 10 مئی کو پاکستان مونومنٹ میں ہونے والی خصوصی تقریب بنیان المرصوص کی تیاریوں کا حصہ ہے۔