LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

پاکستان عالمی سطح پر امن اور استحکام کی علامت بن رہا ہے، اسحاق ڈار

Web Desk

25 June 2026

لاہور: نائب وزیراعظم اور وزیرِ خارجہ محمد اسحاق ڈار نے کہا ہے کہ پاکستان کو سفارتی تنہائی سے مکمل طور پر نکال کر عالمی سطح پر ایک مؤثر، ذمہ دار اور تعمیری ریاست کے طور پر پیش کر دیا گیا ہے اور اب دنیا پاکستان کو دہشت گردی کے بجائے امن اور استحکام کی علامت کے طور پر دیکھ رہی ہے۔

لاہور میں حضرت علی ہجویری معروف بہ داتا گنج بخشؒ کے 983 ویں غسل مبارک کی پروقار تقریب سے خطاب کرتے ہوئے اسحاق ڈار نے مزارِ اقدس کی توسیع کے حوالے سے اہم پیش رفت کا اعلان کیا۔ ان کا کہنا تھا کہ حضرت داتا گنج بخشؒ کے مزار کی تاریخ کی سب سے بڑی توسیع کا جامع منصوبہ اس وقت تیزی سے جاری ہے، جس کا پورا سہرا وزیراعلیٰ پنجاب مریم نواز شریف کے سر جاتا ہے۔ انہوں نے کہا کہ جہاں اللہ کی عبادت ہو رہی ہو، وہاں خدمت کا جذبہ اختیار کرنے سے ملک و قوم کے حالات بھی بہتر ہوتے ہیں، اور ایسے روحانی اجتماعات معاشرے میں محبت، اخوت اور اخلاقی استحکام کو فروغ دیتے ہیں۔

نائب وزیراعظم نے اپنے خطاب میں ملکی خارجہ پالیسی، ماضی کے معاشی ریکارڈ اور مستقبل کے سٹریٹجک وژن پر روشنی ڈالتے ہوئے درج ذیل اہم نکات پیش کیےحالیہ علاقائی کشیدگی کے دوران پاکستان کو عالمی سطح پر انتہائی اہم سفارتی کردار ادا کرنے کا موقع ملا، جہاں ملک نے ثالثی و مصالحت کے حوالے سے مثبت اور تعمیری کردار نبھایا۔ اس پورے عمل میں ٹیم کی مرکزی قیادت وزیراعظم محمد شہباز شریف نے کی، جبکہ فیلڈ مارشل کی خدمات بھی قابلِ تحسین رہیں۔اللہ تعالیٰ نے پاکستان کو ایٹمی طاقت بننے کی توفیق دی، جس کے بعد ملک نے میزائل پروگرام میں بھی نمایاں سائنسی کامیابیاں حاصل کیں؛ تاہم اب وقت آ گیا ہے کہ تمام تر صلاحیتوں کو بروئے کار لا کر پاکستان کو ایک مضبوط معاشی قوت بنایا جائے۔ سال 2017 میں پاکستان کی معاشی ترقی کی رفتار دنیا کے لیے حیران کن تھی اور ملک عالمی معیشتوں کی درجہ بندی میں 24 ویں نمبر تک پہنچ گیا تھا، تاہم بعد کے برسوں میں پیدا ہونے والی معاشی مشکلات کے باعث پاکستان عالمی سطح پر 47 ویں پوزیشن تک نیچے آ گیا۔

اسحاق ڈار نے موجودہ دورِ حکومت کی ترجیحات کا ذکر کرتے ہوئے واضح کیا کہ موجودہ حکومت نے ملکی معاشی استحکام کو اپنی اولین ترجیح بنایا ہے اور گزشتہ برسوں میں پیدا ہونے والے مہیب چیلنجز پر قابو پانے کے لیے ہنگامی بنیادوں پر ٹھوس اقدامات کیے ہیں۔ انہوں نے امید ظاہر کی کہ اللہ کے فضل و کرم سے پاکستان ایک بار پھر پائیدار استحکام کی جانب گامزن ہے اور عالمی برادری میں اپنی مثبت و تعمیری شناخت کو مزید مستحکم کر رہا ہے۔