او آئی سی کی 9ویں وزارتی کانفرنس، اسحاق ڈار کی زیر صدارت تیاریوں کا جائزہ
Web Desk
1 July 2026
پاکستان میں خواتین سے متعلق اسلامی تعاون تنظیم (او آئی سی) کی 9ویں وزارتی کانفرنس کے باوقار انعقاد کے لیے قائم اعلیٰ سطح کی کمیٹی کا ایک اہم اجلاس نائب وزیراعظم اور وزیر خارجہ اسحاق ڈار کی زیرِ صدارت منعقد ہوا، جس میں کانفرنس کے انتظامات کا حتمی جائزہ لیا گیا۔
ترجمان دفتر خارجہ کے مطابق، پاکستان رواں ماہ 12 اور 13 جولائی 2026 کو اسلام آباد میں اس اہم بین الاقوامی کانفرنس کی میزبانی کرنے جا رہا ہے۔ اجلاس کے دوران کانفرنس کے بنیادی ایجنڈے، آنے والے معزز مہمانوں کے پروٹوکول، فول پروف سکیورٹی انتظامات اور دیگر تزویراتی امور کو تفصیلی طور پر زیرِ غور لایا گیا۔
اجلاس میں لاجسٹکس، ملکی و بین الاقوامی میڈیا کوریج، ہالز کی تیاری اور مختلف وزارتوں کے مابین رابطہ کاری (Inter-Ministerial Coordination) سمیت تمام تنظیمی امور کا باریک بینی سے جائزہ لیا گیا۔ کمیٹی نے او آئی سی کے رکن ممالک کے وزرا اور مندوبین کی آمد کو یادگار بنانے اور کانفرنس کو سو فیصد کامیاب کرنے کے لیے مختلف ٹھوس اقدامات کی منظوری بھی دی۔ نائب وزیراعظم اسحاق ڈار نے کانفرنس کے حوالے سے وزارتِ انسانی حقوق (Ministry of Human Rights) کی جانب سے اب تک کی جانے والی پیش رفت اور انتھک کوششوں کو کو سراہا۔ انہوں نے تمام متعلقہ اداروں اور محکموں کو سخت ہدایت جاری کی کہ وہ کانفرنس کے پرامن اور شاندار انعقاد کے لیے آپس میں قریبی اور مؤثر رابطہ برقرار رکھیں تاکہ عالمی سطح پر پاکستان کے مثبت تشخص کو مزید اجاگر کیا جا سکے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026