امریکا کا جواب پاکستان کے ذریعے ایران کو مل گیا، جائزہ لے رہے ہیں: اسماعیل بقائی

ایران کی وزارت خارجہ کے ترجمان اسماعیل بقائی نے کہا ہے کہ امریکا کی جانب سے ایران کے چودہ نکاتی تجاویز کا جواب پاکستان کے ذریعے موصول ہو گیا ہے، جس کا اس وقت جائزہ لیا جا رہا ہے۔

ایرانی سرکاری ٹی وی کو دیے گئے بیان میں انہوں نے تصدیق کی کہ امریکا کا جواب ایران تک پہنچ چکا ہے اور اس پر تفصیلی غور کیا جا رہا ہے۔

اسماعیل بقائی کے مطابق ایران کی جانب سے پیش کی گئی چودہ نکاتی تجاویز میں جوہری معاملہ شامل نہیں تھا، اور یہ تجاویز کسی اضافی تفصیل کے بغیر صرف جنگ کے خاتمے کے مقصد سے دی گئی تھیں۔

انہوں نے کہا کہ ایران کی کوششوں کا بنیادی مقصد خطے میں بالخصوص لبنان سمیت جاری کشیدگی اور جنگی صورتحال کا خاتمہ ہے، جبکہ بعض میڈیا رپورٹس میں جوہری سرگرمیوں یا دیگر معاملات سے متعلق دعوے محض قیاس آرائیاں ہیں۔

ترجمان نے واضح کیا کہ اس مرحلے پر ایران کی مکمل توجہ جنگ کے خاتمے پر مرکوز ہے اور جوہری معاملات پر کوئی مذاکرات جاری نہیں ہیں۔