امریکا ایران جنگ بندی معاہدے کی کاپی قومی اسمبلی میں پیش

ایران اور امریکہ کے درمیان تاریخی جنگ بندی سے متعلق مفاہمتی یادداشت (MoU) کی کاپی نائب وزیراعظم اور وزیر خارجہ اسحاق ڈار نے اس اہم ترین سفارتی معاہدے کو باضابطہ طور پر قومی اسمبلی میں پیش کر دیا ہے۔ ذرائع کے مطابق، اسلام آباد میں طے پانے والی اس مفاہمتی یادداشت پر 19 جون کو دستخط کیے گئے تھے، جسے اب قومی اسمبلی کے ریکارڈ کا حصہ بھی بنا دیا گیا ہے۔ اس تاریخی پیش رفت کو خطے میں پائیدار امن کی جانب ایک بڑا بریک تھرو قرار دیا جا رہا ہے۔

مفاہمتی یادداشت کے متن کے مطابق، ایران اور امریکہ نے دونوں ممالک کے درمیان جاری تمام جنگی اور معاندانہ کارروائیوں کے فوری اور مستقل خاتمے پر مکمل اتفاق کیا ہے۔ معاہدے میں اس بات پر بھی زور دیا گیا ہے کہ واشنگٹن اور تہران مستقبل میں ایک دوسرے کے خلاف کسی بھی نئی جنگ، فوجی کارروائی، یا جارحانہ حکمتِ عملی سے مکمل گریز کرنے کے عزم کا اظہار کرتے ہیں۔ اسلام آباد میں ہونے والے اس معاہدے کے بعد مشرقِ وسطیٰ اور عالمی سطح پر کشیدگی میں واضح کمی آنے کی امید ظاہر کی جا رہی ہے۔