قدرتی آفات کے حوالے سے رواں سال 51 اضلاع ہائی رسک قرار
Web Desk
3 July 2026
وفاقی وزارتِ صحت کی ڈیزاسٹر کوآرڈینیٹر ڈاکٹر رابعہ جاوید نے خبردار کیا ہے کہ رواں سال قدرتی آفات کے ممکنہ خطرات کے پیشِ نظر ملک کے 51 اضلاع کو ہائی رسک (شدید خطرے کی زد میں) قرار دے دیا گیا ہے۔
خصوصی گفتگو کرتے ہوئے ڈاکٹر رابعہ جاوید کا کہنا تھا کہ موسمیاتی تبدیلیوں کے باعث ملک کے ایک بڑے حصے کو خشک سالی اور شدید ہیٹ ویو (شدید گرمی کی لہر) جبکہ شمالی علاقوں کو غیر معمولی بارشوں، سیلاب اور ندی نالوں میں طغیانی کا سامنا کرنا پڑ سکتا ہے۔
انہوں نے واضح کیا کہ کسی بھی قدرتی آفت کے دوران سب سے زیادہ خطرہ بچوں کو لاحق ہوتا ہے۔ انہوں نے والدین سے پرزور اپیل کی کہ وہ مون سون کی بارشوں کے دوران بچوں کو پانی اور برساتی نالوں کے قریب ہرگز نہ جانے دیں، کیونکہ بچے نہ تو سیلابی ریلوں کی شدت کا اندازہ لگا سکتے ہیں اور نہ ہی ہنگامی صورتحال میں خود کو بچانے کی صلاحیت رکھتے ہیں۔
ڈاکٹر رابعہ جاوید نے بتایا کہ جولائی، اگست اور ستمبر کے مہینوں کے دوران خصوصی طور پر بچوں کی صحت اور حفاظت پر توجہ دینے کی ہدایات جاری کی گئی ہیں۔ اس سلسلے میں وفاق اور صوبوں کے درمیان مسلسل رابطہ برقرار ہے اور تمام صوبائی انتظامیہ کو ہدایت کی گئی ہے کہ وہ سرکاری ہسپتالوں اور بنیادی مراکزِ صحت (BHUs) میں ہنگامی اور ضروری ادویات کا وافر ذخیرہ ہر صورت یقینی بنائیں۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026