LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سٹاک مارکیٹ میں تیزی، کاروبار کا مثبت رجحان رہا بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں

امریکہ کو اخلاقی، سفارتی اور فوجی شکست ہوئی ہے، حافظ نعیم الرحمان

Web Desk

8 April 2026

جماعت اسلامی پاکستان کے امیر حافظ نعیم الرحمان نے امریکہ اور ایران کے درمیان ہونے والی حالیہ جنگ بندی پر اپنے ایک اہم ویڈیو بیان میں ایرانی قوم کے عزم اور پاکستانی حکومت کے سفارتی کردار کو سراہا ہے۔ انہوں نے کہا کہ حکومت نے خلیج میں جاری کشیدگی کو کم کرنے میں کلیدی کامیابی حاصل کی ہے، جس پر پوری قوم مبارکباد کی مستحق ہے۔ تاہم، انہوں نے امریکہ پر کڑی تنقید کرتے ہوئے کہا کہ وہ اسرائیل کے آلہ کار کے طور پر کام کر رہا ہے اور دنیا بھر کے باضمیر انسان امریکی پالیسیوں کے خلاف ہیں۔ ان کا کہنا تھا کہ حالیہ جنگ نے ثابت کر دیا ہے کہ امریکہ خلیجی ریاستوں کا تحفظ نہیں کر سکتا اور وہاں موجود امریکی اڈے دراصل اسرائیلی مفادات کے تحفظ کے لیے ہیں۔

حافظ نعیم الرحمان نے زور دیا کہ پاکستان کو اب اس اہم موڑ پر سب کے ساتھ مستحکم تعلقات استوار کرنے ہوں گے، خاص طور پر ایران کے ساتھ گیس پائپ لائن منصوبے کو فوری طور پر شروع کرنا ملکی ضرورت ہے۔ انہوں نے تجویز دی کہ پاک سعودی دفاعی معاہدے میں ترکیہ اور ایران کو بھی شامل کیا جائے اور انسانیت کے تحفظ کے لیے چین اور روس کے ساتھ مل کر ایک نیا بلاک قائم کیا جائے۔ امیر جماعت اسلامی نے خلیجی ممالک اور ایران کے ساتھ آزادانہ تجارت اور توانائی کی ضروریات پوری کرنے پر زور دیتے ہوئے لبنان پر جاری اسرائیلی جارحیت کی شدید الفاظ میں مذمت کی اور اسے انسانیت کے خلاف بدترین دہشت گردی قرار دیا۔