قانون نافذ کرنے والے اداروں کی بڑی کارروائی، خودکش بمبار خاتون گرفتار

قانون نافذ کرنے والے اداروں نے اسلام آباد میں دہشت گردی کی بڑی کوشش ناکام بناتے ہوئے ایک خاتون خودکش بمبار کو گرفتار کر لیا ہے۔ کوئٹہ میں پریس کانفرنس کرتے ہوئے وزیراعلیٰ بلوچستان سرفراز بگٹی نے بتایا کہ گرفتار خاتون کو وفاقی دارالحکومت میں حملے کا ہدف دیا گیا تھا، تاہم بروقت کارروائی سے اسے حراست میں لے لیا گیا۔ خاتون نے اپنے اعترافی بیان میں انکشاف کیا کہ کالعدم تنظیم بی ایل اے نے اسے والد کے قتل کی دھمکی دے کر خودکش حملے کے لیے مجبور کیا اور اس کی ذہن سازی کی گئی۔ سرفراز بگٹی نے اس عمل کو شرمناک قرار دیتے ہوئے کہا کہ دہشت گرد اپنے غیر ملکی آقاؤں کو خوش کرنے کے لیے بچیوں کو آلہ کار بنا رہے ہیں، جبکہ گرفتار خاتون نے پولیس کے رویے کو باعزت قرار دیتے ہوئے مزید تعاون کی خواہش ظاہر کی ہے۔