بلوچستان: رکھنی اور گردونواح میں زلزلے کے جھٹکے، شدت 5 ریکارڈ

بلوچستان کے ضلع بارکھان کے علاقے رکھنی اور گردونواح میں زلزلے کے جھٹکے محسوس کیے گئے، جس کی شدت زلزلہ پیما مرکز کے مطابق 5 ریکارڈ کی گئی ہے۔ زلزلے کا مرکز رکھنی سے 12 کلومیٹر جنوب مشرق میں تھا اور اس کی گہرائی 30 کلومیٹر ریکارڈ کی گئی۔ زلزلے کے باعث خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔ ریسکیو حکام کا کہنا ہے کہ ابتدائی طور پر کسی جانی یا مالی نقصان کی اطلاع موصول نہیں ہوئی، تاہم احتیاطی تدابیر کے طور پر ٹیموں کو الرٹ کر دیا گیا ہے۔