ڈاکٹر یاسمین راشد کے حوالے سے سوشل میڈیا پر گردش کرنے والی خبریں بے بنیاد ہیں، وہ کوٹ لکھپت جیل میں خیریت سے ہیں: خاندانی ذرائع

پاکستان تحریک انصاف (پی ٹی آئی) کی سینیئر رہنما اور سابقہ صوبائی وزیر ڈاکٹر یاسمین راشد کے خاندانی ذرائع نے سوشل میڈیا پر ان کے حوالے سے گردش کرنے والی تمام منفی خبروں کی سختی سے تردید کر دی ہے۔

خاندانی ذرائع کا کہنا ہے کہ سوشل میڈیا پر وائرل ہونے والی خبریں بالکل بے بنیاد اور من گھڑت ہیں۔ اللہ کے فضل و کرم سے ڈاکٹر یاسمین راشد بالکل خیریت سے ہیں۔

ذرائع نے مزید واضح کیا کہ یاسمین راشد صاحبہ اس وقت لاہور کی کوٹ لکھپت جیل میں قید ہیں اور وہ وہاں مکمل طور پر محفوظ اور خیریت سے ہیں۔ عوام اور کارکنان سوشل میڈیا پر پھیلائی جانے والی افواہوں پر کان نہ دھریں۔