نائب وزیراعظم اسحاق ڈار کی داتا دربار آمد، ترقیاتی منصوبوں کا جائزہ

نائب وزیراعظم سینیٹر محمد اسحاق ڈار نے داتا دربار کا دورہ کیا، جہاں انہوں نے مزار شریف پر فاتحہ خوانی کی اور ملکی سلامتی سمیت امتِ مسلمہ کے اتحاد کے لیے خصوصی دعا مانگی۔ اس موقع پر سیکرٹری اوقاف نے انہیں دربار کے انتظامی امور اور زائرین کے لیے جاری توسیعی منصوبوں پر تفصیلی بریفنگ دی۔ اسحاق ڈار نے دربار شریف کو امن اور اسلامی اقدار کا مرکز قرار دیتے ہوئے وہاں صفائی، سکیورٹی اور انفراسٹرکچر میں بہتری کے اقدامات کو سراہا۔ ڈاکٹر احسان بھٹہ نے یقین دہانی کرائی کہ داتا دربار میگا پراجیکٹ کو مقررہ وقت پر مکمل کیا جائے گا۔