سنگاپور سے پاکستانی اور ایرانی ملاحوں کی محفوظ وطن واپسی میں تعاون کی درخواست

نائب وزیراعظم اسحاق ڈار نے سنگاپور کے وزیر خارجہ ویوین بالا کرشنن سے امریکی تحویل میں موجود جہازوں پر سوار 11 پاکستانی اور 20 ایرانی ملاحوں کی وطن واپسی کے لیے تعاون کی درخواست کی ہے۔ یہ جہاز اس وقت سنگاپور کی سمندری حدود کے قریب موجود ہیں۔ اسحاق ڈار نے واضح کیا کہ وہ اس معاملے پر ایرانی ہم منصب عباس عراقچی سے بھی قریبی رابطے میں ہیں اور پاکستان ایرانی شہریوں کی اپنی سرزمین کے ذریعے بحفاظت واپسی میں مدد کے لیے تیار ہے۔ ایرانی وزیر خارجہ نے ملاحوں کی واپسی کے لیے پاکستان کی سفارتی اور انسانی ہمدردی کی بنیاد پر حمایت پر شکریہ ادا کیا ہے۔