سی ٹی ڈی پنجاب کے انٹیلی جنس بیسڈ آپریشنز میں 21 مبینہ دہشت گرد گرفتار

کاؤنٹر ٹیررازم ڈیپارٹمنٹ (سی ٹی ڈی) پنجاب نے خفیہ اطلاعات پر صوبے کے مختلف شہروں میں 214 انٹیلی جنس بیسڈ آپریشنز کیے، جس کے نتیجے میں 21 مبینہ دہشت گردوں کو حراست میں لے لیا گیا ہے۔ ترجمان سی ٹی ڈی کے مطابق یہ کارروائیاں لاہور، شیخوپورہ، گوجرانوالہ، ملتان، خانیوال اور بہاولپور سمیت دیگر اضلاع میں کی گئیں۔ لاہور سے تعلق رکھنے والے ایک خطرناک دہشت گرد پیر شمس کو گرفتار کیا گیا، جبکہ ٹوبہ ٹیک سنگھ سے بلوچ لبریشن آرمی (BLA) سے منسلک عبداللطیف کو بارودی مواد سمیت پکڑا گیا ہے۔ حکام کا کہنا ہے کہ یہ ملزمان حساس مقامات پر حملوں کی منصوبہ بندی کر رہے تھے۔