امریکی عوام مہنگائی میں کمی، آمدن میں اضافے کے دعوؤں کے باوجود معاشی صورتحال سے ناخوش

امریکہ میں حکومتی سطح پر مہنگائی کی شرح میں کمی اور فی کس آمدن میں اضافے کے بلند و بانگ دعوؤں کے باوجود عام عوام ملکی معاشی صورتحال سے شدید ناخوش اور دلبرداشتہ دکھائی دے رہی ہے۔

معروف امریکی نشریاتی ادارے ’سی این این‘ کی ایک تازہ رپورٹ کے مطابق رہائشی مکانات کے کرایوں، خوراک، بجلی، انشورنس اور بچوں کی دیکھ بھال (چائلڈ کیئر) کے روز افزوں اخراجات نے عام امریکیوں کی کمر توڑ دی ہے اور ان کی مشکلات میں زبردست اضافہ کر دیا ہے۔ اس بڑھتی ہوئی معاشی گھٹن کا اندازہ اس تلخ حقیقت سے لگایا جا سکتا ہے کہ 35 برس سے کم عمر کے 84 فیصد نوجوان امریکیوں نے ملک کی موجودہ معاشی صورتحال کو انتہائی خراب اور مایوس کن قرار دیا ہے۔

رپورٹ میں یہ انکشاف بھی کیا گیا ہے کہ ملک کے تین چوتھائی سے زائد شہری مجموعی قومی حالات سے گہرے طور پر غیر مطمئن اور ناراض ہیں۔ عوام کے اندر یہ احساس تیزی سے جڑ پکڑ رہا ہے کہ ملک کے حکمران طبقے اور سیاستدان ان کے بنیادی مسائل حل کرنے میں مکمل طور پر ناکام ہو چکے ہیں۔ رپورٹ کے مطابق مایوسی کا عالم یہ ہے کہ اب کئی امریکی شہریوں کے دلوں سے اس بات کا یقین بھی اٹھتا جا رہا ہے کہ وہ اپنا حقِ رائے دہی استعمال کر کے ملک میں کوئی مثبت تبدیلی لانے کے قابل بھی ہیں