فائر فائٹرز کی اہمیت سے متعلق عوامی آگاہی وقت کی اہم ضرورت ہے: مریم نواز

وزیراعلیٰ پنجاب مریم نواز شریف نے اپنے خصوصی پیغام میں کہا ہے کہ فائر فائٹرز کی اہمیت سے متعلق عوامی آگاہی پیدا کرنا وقت کی اہم ضرورت ہے۔ انہوں نے کہا کہ یہ بہادر اہلکار اپنی جان خطرے میں ڈال کر عوام کے جان و مال کا تحفظ کرتے ہیں۔ مریم نواز نے ریسکیو 1122 کی کارکردگی کی تعریف کرتے ہوئے بتایا کہ لبرٹی چوک اور گلبرگ کے واقعات میں 180 سے زائد افراد کو بحفاظت ریسکیو کرنا فائر فائٹرز کی فرض شناسی کی بہترین مثال ہے۔ انہوں نے مزید کہا کہ حکومت پنجاب فائر فائٹرز کو جدید ٹیکنالوجی، اسنارکل اور بہترین حفاظتی آلات فراہم کر رہی ہے تاکہ حادثات پر قابو پانے کی صلاحیت میں اضافہ ہو سکے۔