LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

مریم نواز کی سانحہ کاہنہ کے متاثرہ خاندانوں سے ملاقات، امدادی چیکس دیئے

Web Desk

3 July 2026

وزیراعلیٰ پنجاب مریم نواز شریف نے لاہور کے علاقے کاہنہ میں پیش آنے والے انتہائی افسوسناک سانحے میں جاں بحق ہونے والے معصوم بچوں کے اہل خانہ سے خصوصی ملاقات کی ہے۔ انہوں نے غم زدہ خاندانوں سے گہرے دکھ اور تعزیت کا اظہار کرتے ہوئے اس مشکل گھڑی میں حکومت کی جانب سے ہر ممکن تعاون اور امداد کی یقین دہانی کرائی۔ اس موقع پر سینئر صوبائی وزیر مریم اورنگزیب بھی ان کے ہمراہ موجود تھیں۔

وزیراعلیٰ پنجاب مریم نواز شریف نے متاثرہ والدین، خصوصاً اپنے جگر گوشوں کو کھو دینے والی سوگوار ماؤں سے انفرادی طور پر ملاقات کی۔ انہوں نے دکھی ماؤں کو گلے لگا کر دلاسہ دیا اور ان کے غم میں شریک ہوتے ہوئے جذباتی انداز میں کہا کہ “اس وقت میرے پاس الفاظ کم ہیں، کیونکہ یہ غم بہت بڑا ہے”۔ انہوں نے دکھی خاندانوں کو یقین دلایا کہ حکومتِ پنجاب انہیں آزمائش کے اس دور میں کسی صورت تنہا نہیں چھوڑے گی۔

مریم نواز شریف نے حکومتِ پنجاب کی جانب سے سانحے میں جاں بحق ہونے والے ہر بچے کے ورثاء کے لیے 20 لاکھ روپے جبکہ زخمی ہونے والے بچوں کے لیے 5 لاکھ روپے مالی امداد کا اعلان کیا اور متاثرہ خاندانوں میں امدادی رقم کے چیکس بھی تقسیم کیے۔ اس کے ساتھ ہی انہوں نے انتظامیہ اور متعلقہ حکام کو سخت ہدایت جاری کی کہ حادثے میں زخمی ہونے والے تمام بچوں کو ہسپتالوں میں بہترین اور مفت طبی سہولیات فراہم کی جائیں۔

وزیراعلیٰ پنجاب کا مزید کہنا تھا کہ اپنے ننھے پھولوں کا اس طرح اچانک بچھڑ جانا ایک انتہائی دلخراش سانحہ ہے، اور سچ یہ ہے کہ ان دکھی ماؤں کے بہتے آنسوؤں کا مداوا کوئی بھی رقم نہیں کر سکتی، تاہم حکومت کا فرض ہے کہ وہ ہر ممکن طریقے سے ان متاثرہ خاندانوں کا ہاتھ تھامے اور وہ اس مقصد کے لیے ہر قدم پر ان کے ساتھ کھڑی رہے گی۔