ستھرا پنجاب بہترین منصوبہ، بدعنوانی یا غفلت برداشت نہیں ہوگی: مریم نواز

وزیراعلیٰ پنجاب مریم نواز نے “ستھرا پنجاب” کی تقریب سے خطاب کرتے ہوئے کہا کہ شہریوں کو صاف ستھرا اور صحت مند ماحول فراہم کرنا ان کا بنیادی حق اور حکومت کی اولین ذمہ داری ہے۔ انہوں نے انتظامی افسران کو اپنی “آنکھ اور کان” قرار دیتے ہوئے خبردار کیا کہ پروگرام میں بدانتظامی یا غفلت کو ہرگز برداشت نہیں کیا جائے گا۔ مریم نواز کا کہنا تھا کہ اس پروگرام کے لیے تمام ضروری وسائل فراہم کر دیے گئے ہیں اور صفائی کے نظام کو اب جدید خطوط پر استوار کیا جا رہا ہے تاکہ عوام کا معیارِ زندگی بلند ہو سکے۔