پنجاب کی ترقی کا سنہرا دور شروع ہو چکا ہے: مریم نواز شریف

وزیراعلیٰ پنجاب مریم نواز شریف سے ملاقات کے دوران ارکانِ اسمبلی نے شہروں کے ساتھ ساتھ دیہاتوں میں بھی “ستھرا پنجاب” کے تحت صفائی کا مربوط نظام متعارف کروانے اور 13 ہزار سڑکوں کی تعمیر و مرمت کے منصوبے کی تعریف کی۔ اس موقع پر مریم نواز نے کہا کہ تین ہزار سے زائد مراکزِ صحت کو اسٹیٹ آف دی آرٹ کلینکس میں تبدیل کرنے سے صوبے کا ہیلتھ کلچر بدل چکا ہے۔ انہوں نے مزید بتایا کہ پنجاب کا پہلا سرکاری کینسر ہسپتال، نواز شریف میڈیکل سٹی اور آٹزم اسکول جیسے منصوبے جلد مکمل کیے جائیں گے تاکہ عوام کو علاج کی بہترین سہولیات میسر آ سکیں۔