گوجرانوالہ کے لیے 31.5 کلومیٹر طویل ماس ٹرانزٹ سسٹم کی منظوری

وزیر اعلیٰ پنجاب مریم نواز شریف نے گوجرانوالہ ماس ٹرانزٹ سسٹم کے ڈیزائن کی اصولی منظوری دے دی ہے، جس کے تحت شہر کے ہر علاقے کو فیڈر بسوں کے ذریعے میٹرو ٹرین سے منسلک کیا جائے گا۔ اس منصوبے کی سب سے بڑی خصوصیت یہ ہے کہ ٹریفک کی روانی برقرار رکھنے کے لیے 17 سے 19 کلومیٹر طویل ٹریک انڈر گراؤنڈ ہوگا اور دو ٹنل سیکشن بھی بنائے جائیں گے۔ گکھڑ سے ایمن آباد تک پھیلا ہوا یہ 31.5 کلومیٹر طویل منصوبہ روزانہ 26 لاکھ مسافروں کو سفری سہولت فراہم کرے گا۔ وزیر اعلیٰ نے اس منصوبے کو ایک سال (12 ماہ) کی ریکارڈ مدت میں مکمل کرنے کی ہدایت کی ہے۔