دہشتگردی کا مقابلہ جاری، ریاست کی رٹ ہر صورت قائم ہوگی: سرفراز بگٹی
Web Desk
7 July 2026
وزیر اعلیٰ بلوچستان میر سرفراز بگٹی نے ہنہ اوڑک میں پیش آنے والے دہشت گردی کے واقعے میں زخمی ہونے والے عام شہریوں اور اینٹی ٹیررازم فورس (ATF) کے اہلکاروں کی ٹراما سینٹر کوئٹہ میں عیادت کی۔ اس موقع پر انہوں نے زخمیوں کو فراہم کی جانے والی طبی سہولیات کا جائزہ لیا اور ان کی جلد صحت یابی کے لیے دعا کی۔
بعد ازاں میڈیا سے گفتگو کرتے ہوئے وزیر اعلیٰ سرفراز بگٹی نے کہا کہ ہنہ اوڑک کے بہادر عوام اور سیکیورٹی فورسز نے مل کر دہشت گردوں کا ڈٹ کر مقابلہ کیا، جس پر وہاں کے مقامی لوگوں کا حوصلہ اور جرات قابلِ تعریف ہے۔ انہوں نے واضح کیا کہ حکومتِ بلوچستان متاثرہ خاندانوں کے ساتھ پوری قوت سے کھڑی ہے، شہداء کے لواحقین کو اکیلا نہیں چھوڑا جائے گا اور ان کے لیے معاوضے کے چیکس کل ہی تقسیم کر دیے جائیں گے۔
میر سرفراز بگٹی نے بلوچستان پولیس اور سیکیورٹی فورسز کی شجاعت کو سراہتے ہوئے کہا کہ ہمارے جوان دہشت گردوں کے خلاف انتہائی مؤثر اور جاندار کارروائیاں کر رہے ہیں۔ انہوں نے صوبے کی موجودہ صورتحال کا حقیقت پسندانہ جائزہ پیش کرتے ہوئے اعتراف کیا کہ اس وقت بلوچستان کو جنگ جیسے حالات کا سامنا ہے اور یہاں امن و امان کی صورتحال مثالی نہیں ہے۔
وزیر اعلیٰ کا کہنا تھا کہ دہشت گرد بزدلانہ کارروائیوں کے لیے محض چند منٹوں کے لیے سڑکوں پر نمودار ہوتے ہیں اور فرار ہو جاتے ہیں، لیکن وہ ریاست کو مرعوب نہیں کر سکتے۔ حکومت دہشت گردی کی اس لہر کو کچلنے کے لیے پوری طرح پرعزم ہے۔ انہوں نے یہ بھی بتایا کہ صوبائی وزیر داخلہ نے گزشتہ رات خود ہنہ اوڑک کا دورہ کر کے سیکیورٹی انتظامات کا جائزہ لیا ہے۔
متعلقہ عنوانات
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026
پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے
18 November 2026
دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال
18 November 2026
نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب
18 November 2026
امریکی سینیٹ کمیٹی نے نئے امریکی جوہری بم بی 94 کا نام ظاہر کردیا
18 November 2026
امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند
18 November 2026