LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

بی آر ٹی ییلو لائن کے سابق پروجیکٹ ڈائریکٹر ضمیر عباسی گرفتار

Web Desk

23 June 2026

کراچی اینٹی کرپشن کی لاہور میں بڑی کارروائی: بی آر ٹی یلو لائن کے سابق پراجیکٹ ڈائریکٹر ضمیر عباسی گرفتار، 7 ارب روپے سے زائد کی غیر قانونی ادائیگیوں کا انکشاف

کراچی اینٹی کرپشن نے ایک خفیہ اور مصدقہ اطلاع پر پنجاب کے صوبائی دارالحکومت لاہور میں انتہائی اہم کارروائی کرتے ہوئے کراچی بی آر ٹی (BRT) یلو لائن منصوبے کے سابق پراجیکٹ ڈائریکٹر ضمیر عباسی کو گرفتار کر لیا ہے۔ اینٹی کرپشن حکام کے مطابق، گرفتار ملزم ضمیر عباسی کے خلاف رواں ماہ 10 جون کو اختیارات کے ناجائز استعمال اور مالیاتی خرد برد کا مقدمہ باقاعدہ طور پر درج کیا گیا تھا، جس کے بعد وہ روپوش تھے۔ گرفتاری کے بعد اب ملزم کو مزید تفتیش اور قانونی چارہ جوئی کے لیے لاہور سے کراچی منتقل کرنے کے انتظامات کیے جا رہے ہیں۔

محکمہ اینٹی کرپشن کے ذرائع کے مطابق، پراجیکٹ ڈائریکٹر کی حیثیت سے ملزم ضمیر عباسی کے دورِ تعیناتی میں بڑے پیمانے پر مالی بے ضابطگیوں کا سراغ ملا ہے۔ تحقیقات کے دوران یہ سنسنی خیز انکشاف سامنے آیا ہے کہ ملزم نے مبینہ طور پر مروجہ قوانین اور ضوابط کو بالائے طاق رکھتے ہوئے 7 ارب روپے سے زائد کی بھاری رقم غیر قانونی طور پر من پسند ٹھیکیداروں کو جاری کی، جس سے قومی خزانے کو اربوں روپے کا شدید نقصان پہنچا۔ حکام کا کہنا ہے کہ ملزم کی کراچی منتقلی کے بعد بی آر ٹی یلو لائن منصوبے میں ہونے والی اس مبینہ میگا کرپشن کے دیگر کرداروں اور ٹھیکیداروں کے خلاف بھی گھیرا تنگ کیا جائے گا۔

کیس کے تفتیشی افسر (IO) شیر زمان نے عدالت کے سامنے تفتشی رپورٹ پیش کرتے ہوئے مؤقف اختیار کیا کہ ملزم ضمیر عباسی بی آر ٹی یلو لائن جیسے اہم عوامی منصوبے میں کروڑوں روپے کی مالی بے ضابطگیوں اور سرکاری فنڈز کے مبینہ خرد برد میں ملوث ہیں۔ تفتیشی افسر نے عدالت سے استدعا کی کہ ملزم سے مزید اہم دستاویزات کی برآمدگی، بینک اکاؤنٹس کے ریکارڈ اور دیگر شریکِ جرم ملزمان کا پتا لگانے کے لیے ان کا 14 روزہ جسمانی ریمانڈ منظور کیا جائے