بلاول بھٹو کی گلگت بلتستان کی نومنتخب حکومت کو 100 روزہ ترقیاتی پلان تیار کرنے کی ہدایت

پاکستان پیپلز پارٹی کے چیئرمین بلاول بھٹو زرداری کی زیرِ صدارت وزیراعلیٰ ہاؤس گلگت میں پی پی پی گلگت بلتستان کا ایک اہم اجلاس منعقد ہوا، جس میں گلگت بلتستان کے پہلے گورنر قمر زمان کائرہ، وزیراعلیٰ امجد حسین ایڈووکیٹ اور دیگر پارٹی رہنماؤں نے شرکت کی۔ اجلاس کے دوران چیئرمین بلاول بھٹو زرداری نے نومنتخب حکومت کو ہدایت کی کہ وہ بند کمروں میں بیٹھنے کے بجائے عوام کے درمیان رہ کر حکومت چلائیں اور گلگت بلتستان کی تعمیر و ترقی کے لیے ایک جامع ‘100 روزہ پلان’ تیار کریں۔ انہوں نے تاکید کی کہ مقررہ مدت کے بعد اس منصوبے پر عملدرآمد کی کارکردگی رپورٹ انہیں پیش کی جائے۔ بلاول بھٹو نے حقِ ملکیت سے متعلق قانون سازی پر مؤثر عملدرآمد یقینی بنانے، حقِ حاکمیت کے حوالے سے جی بی اسمبلی کے پہلے اجلاس میں قرارداد پیش کرنے اور بلدیاتی انتخابات کے انعقاد کے لیے فوری طور پر گراؤنڈ ورک مکمل کرنے کی بھی خصوصی ہدایات جاری کیں۔