بلاول بھٹو کی فضل الرحمان سے ملاقات، ملکی سیاسی صورتحال پر تبادلۂ خیال

پاکستان پیپلز پارٹی (پی پی پی) کے چیئرمین بلاول بھٹو زرداری نے جمعیت علمائے اسلام (ف) کے سربراہ مولانا فضل الرحمان کی رہائش گاہ پر ان سے ایک اہم ملاقات کی، جس میں ملکی سیاست اور باہمی دلچسپی کے مختلف امور پر تفصیلی گفتگو کی گئی۔

ملاقات کے دوران چیئرمین پیپلز پارٹی بلاول بھٹو زرداری کے ہمراہ سابق وزیراعظم اور سینیئر رہنما راجہ پرویز اشرف بھی موجود تھے۔ دوسری جانب جمعیت علمائے اسلام (ف) کے وفد میں انجینئر ضیاء الرحمان اور مولانا اسجد محمود نے شرکت کی اور قائدین کے ہمراہ سیاسی امور پر مشاورت کا حصہ بنے۔

ذرائع کے مطابق اس بیٹھک میں ملک کی مجموعی سیاسی صورتحال، پارلیمانی امور اور مستقبل کی سیاسی حکمتِ عملی سمیت باہمی دلچسپی کے دیگر امور پر بھی کھل کر تبادلۂ خیال کیا گیا۔