ایران اور امریکہ کے درمیان سفارت کاری ہی واحد راستہ ہے: بلاول بھٹو

برطانوی نشریاتی ادارے (بی بی سی) کو دیے گئے انٹرویو میں بلاول بھٹو زرداری نے واضح کیا کہ خطے میں جنگ کسی کے مفاد میں نہیں اور سفارت کاری ہی امن کا واحد راستہ ہے۔ انہوں نے کہا کہ تیل کی سپلائی متاثر ہونے سے عالمی سطح پر مہنگائی بڑھ رہی ہے اور پاکستان تمام فریقین کے ساتھ رابطے میں رہ کر اعتماد سازی کے اقدامات کو آگے بڑھانے کی کوشش کر رہا ہے۔ بلاول بھٹو نے حالیہ حملوں کی مذمت کرتے ہوئے کہا کہ کسی بھی فریق کی جانب سے جارحیت جنگ بندی کو کمزور کر سکتی ہے، تاہم انہوں نے جلد ہی ایران اور امریکہ کے درمیان مثبت سفارتی پیش رفت کی امید ظاہر کی۔