عدلیہ ایک سال سے بانی اور بشریٰ بی بی کے کیسز کی اپیلیں نہیں سن رہی،بیرسٹر گوہر خان

پی ٹی آئی کے چیئرمین بیرسٹر گوہر خان نے اڈیالہ جیل کے باہر میڈیا سے گفتگو کرتے ہوئے بانی پی ٹی آئی اور بشریٰ بی بی کی صحت پر گہری تشویش کا اظہار کیا ہے اور کہا ہے کہ اکتوبر سے اب تک انہیں ہر ہفتے ملاقاتوں سے روکا جا رہا ہے۔ انہوں نے “معرکہ حق” کو ملکی دفاع کی بنیاد اور افواجِ پاکستان کی قربانیوں کا ثمر قرار دیتے ہوئے کہا کہ اس فتح نے دشمن کو شکست دے کر خطے میں طاقت کا توازن بدل دیا ہے۔ بیرسٹر گوہر نے عدلیہ سے بانی کی سزا معطلی کی اپیلیں فی الفور سننے کی استدعا کی اور خبردار کیا کہ القادر ٹرسٹ کیس میں ایڈورس فیصلہ ملک کو مزید سیاسی و معاشی بند گلی میں دھکیل دے گا۔ انہوں نے پارٹی کے اندرونی اختلافات کو پسِ پشت ڈال کر بانی کی رہائی پر فوکس کرنے کی ضرورت پر زور دیا اور واضح کیا کہ وزیر اعلیٰ سہیل آفریدی کی تبدیلی کا کوئی امکان نہیں ہے، جبکہ بانی کی بہنوں کا سیاست سے کوئی تعلق نہیں ہے۔