وزیراعظم کا بنوں حملے کی مذمت، خیبر پختونخوا حکومت کو ہر ممکن تعاون کی یقین دہانی
Web Desk
10 May 2026
اسلام آباد: وزیراعظم محمد شہباز شریف نے وزیراعلیٰ خیبر پختونخوا سہیل آفریدی سے ٹیلیفونک رابطہ کرکے بنوں میں پولیس چوکی پر دہشت گردوں کے حملے کی شدید مذمت کی ہے۔
ٹیلیفونک گفتگو کے دوران وزیراعظم نے حملے میں قیمتی جانوں کے ضیاع پر گہرے دکھ اور افسوس کا اظہار کیا اور شہید پولیس اہلکاروں کے درجات کی بلندی کے لیے دعا کی۔ انہوں نے شہداء کے اہل خانہ سے اظہارِ تعزیت بھی کیا جبکہ زخمیوں کی جلد صحتیابی کے لیے نیک خواہشات کا اظہار کیا۔
وزیراعظم شہباز شریف نے دہشت گردی کے مکمل خاتمے کے لیے وفاقی اور صوبائی حکومتوں کے مشترکہ عزم کا اعادہ کرتے ہوئے کہا کہ خیبر پختونخوا حکومت کو ہر ممکن معاونت فراہم کی جائے گی۔
اس موقع پر وزیراعظم اور وزیراعلیٰ خیبر پختونخوا نے دہشت گردی کے خلاف برسرِپیکار پاک افواج، سیکیورٹی فورسز اور پولیس کی قربانیوں کو خراجِ تحسین پیش کیا۔
وزیراعظم کا کہنا تھا کہ حکومت ملک سے ہر قسم کی دہشت گردی کے مکمل خاتمے کے لیے پُرعزم ہے اور اس ناسور کے خلاف جنگ ہر صورت جاری رکھی جائے گی۔
متعلقہ عنوانات
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس
19 November 2026
اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ
19 November 2026
سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا
19 November 2026
افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی
19 November 2026
فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور
19 November 2026
دھی رانی پروگرام: خانیوال میں 182 جوڑوں کی اجتماعی شادیاں
19 November 2026
روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن
19 November 2026