معرکہ حق میں پاکستان نے عسکری، سفارتی اور بیانیہ محاذ پر کامیابی حاصل کی، عطا اللہ تارڑ

وفاقی وزیر اطلاعات عطا اللہ تارڑ نے کہا ہے کہ معرکہ حق کے دوران پاکستان نے بھارت کے بڑے دعوؤں کو چند گھنٹوں میں خاک میں ملا دیا اور عالمی سطح پر اپنی پیشہ ورانہ صلاحیتوں کا لوہا منوایا۔ انہوں نے واضح کیا کہ اس کامیابی میں جہاں مسلح افواج کی مستعدی شامل تھی، وہیں وزیراعظم شہباز شریف کے وژن اور فیلڈ مارشل سید عاصم منیر کی قیادت نے کلیدی کردار ادا کیا۔ وفاقی وزیر نے اس بات پر زور دیا کہ دشمن کو چند گھنٹوں میں ہی پسپائی اختیار کر کے سیز فائر کے لیے خود رابطہ کرنا پڑا، جبکہ پاکستانی میڈیا اور نوجوانوں نے بیانیہ کی جنگ میں بھارت کو عالمی سطح پر بے نقاب کیا۔