معرکۂ حق پاکستان کی تاریخ کا سنہری باب ہے، بلاول بھٹو زرداری

چیئرمین پیپلز پارٹی بلاول بھٹو زرداری نے معرکہ حق کو پاکستان کی تاریخ کا سنہری باب قرار دیتے ہوئے کہا ہے کہ اس معرکے میں پوری قوم نے مثالی اتحاد اور عزم کا مظاہرہ کر کے دشمن کو شکست دی۔ کراچی میں منعقدہ تقریب سے خطاب کرتے ہوئے انہوں نے کہا کہ جہاں میدانِ جنگ میں دشمن کو دھول چٹائی گئی، وہیں پاکستانی سفارتکاروں نے بھی عالمی محاذ پر ملک کا مقدمہ بھرپور انداز میں لڑا۔ وزیراعلیٰ سندھ مراد علی شاہ نے اپنے خطاب میں واضح کیا کہ ایک سال قبل بھارت کی فوجی کارروائی کا ہماری مسلح افواج نے چند گھنٹوں میں ایسا مؤثر جواب دیا کہ دشمن کو اپنی اصل حیثیت کا اندازہ ہو گیا۔ تقریب میں شرجیل انعام میمن سمیت اعلیٰ سول و عسکری حکام نے بھی شرکت کی اور پاک فوج کی پیشہ ورانہ مہارت کو سراہا۔