امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند
Web Desk
18 November 2026
امریکا کے سب سے بڑے خفیہ ادارے نیشنل سکیورٹی ایجنسی (این ایس اے) کا انتہائی حساس اندرونی مواصلاتی نیٹ ورک اچانک فنی خرابی کے باعث بند ہو گیا ہے، جس کے بعد ادارے نے عملے کی آمدورفت کے اوقات کو مرحلہ وار کر دیا ہے۔
وائٹ ہاؤس کی جانب سے جاری کردہ وضاحت کے مطابق اس غیر معمولی تکنیکی تعطل کے پیچھے تاحال کسی بیرونی سائبر حملے کے کوئی شواہد نہیں ملے اور نہ ہی امریکی عوام کے لیے تشویش یا گھبرانے کی کوئی بات ہے۔ امریکی حکام نے واضح کیا ہے کہ اس خرابی سے ایشیا کے دورے پر موجود امریکی صدر ڈونلڈ ٹرمپ کو ہنگامی اور اہم انٹیلی جنس معلومات کی ترسیل بالکل متاثر نہیں ہوگی کیونکہ حکومت کے پاس فوری رابطے کے لیے متبادل محفوظ نیٹ ورکس موجود ہیں۔
امریکی حکام کا مزید کہنا تھا کہ برطانیہ، کینیڈا، آسٹریلیا اور نیوزی لینڈ پر مشتمل ’’فائیو آئیز‘‘ (Five Eyes) انٹیلی جنس اتحاد کے ساتھ خفیہ معلومات کے تبادلے کا نظام بھی مکمل طور پر فعال ہے اور معمول کے مطابق کام کر رہا ہے۔
واضح رہے کہ یہ واقعہ امریکا میں حالیہ دنوں کے دوران پیش آنے والی بڑی تکنیکی خرابیوں کے سلسلے کی ایک کڑی ہے۔ اس سے قبل گزشتہ ہفتے مائیکروسافٹ کی سروسز اور فیڈرل ایوی ایشن ایڈمنسٹریشن (ایف اے اے) کے کمپیوٹر سسٹم میں اچانک خرابی کے باعث ملک بھر میں بڑے پیمانے پر پروازوں کی معطلی جیسے سنگین واقعات بھی پیش آ چکے ہیں۔
متعلقہ عنوانات
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026
پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے
18 November 2026
دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال
18 November 2026
نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب
18 November 2026
امریکی سینیٹ کمیٹی نے نئے امریکی جوہری بم بی 94 کا نام ظاہر کردیا
18 November 2026
روس کا فوجی مال بردار طیارہ سائبیریا میں گر کر تباہ، 19 افراد ہلاک
18 November 2026