پیٹرولیم لیوی پر تحفظات: حکومت اور جماعت اسلامی کی مذاکراتی ٹیموں میں دوبارہ ملاقات کا امکان

پیٹرولیم لیوی میں اضافے کے خلاف جماعت اسلامی کے احتجاجی تحرک اور تحفظات پر مذاکرات کی بحالی کے لیے حکومتی اور جماعت اسلامی کی کمیٹیوں کے درمیان دوبارہ اہم ملاقات کا امکان پیدا ہو گیا ہے۔

ذرائع کے مطابق اسلام آباد میں پیٹرولیم لیوی اور دیگر معاشی اقدامات کے خلاف جماعت اسلامی کی جانب سے جاری احتجاجی دھرنے اور مطالبات کے تناظر میں دونوں فریقین کے مابین رابطوں کا نیا دور شروع ہو رہا ہے۔ اس سے قبل ہونے والے ابتدائی مذاکراتی دور کے بعد حکومتی وفد نے جماعت اسلامی کے مطالبات اور پیٹرولیم لیوی میں ممکنہ ریلیف کے حوالے سے آئندہ کے لائحہ عمل پر مشاورت کی تھی، جس کے بعد اب فریقین کے درمیان تحریری اور باضابطہ تجاویز کے تبادلے کے لیے ملاقات متوقع ہے۔

جماعت اسلامی کی قیاد ت نے واضح کیا ہے کہ عوام پر مہنگائی اور پیٹرولیم مصنوعات پر عائد بھاری ٹیکسوں کا بوجھ اب ناقابلِ برداشت ہو چکا ہے، جبکہ حکومتی کمیٹی کا کہنا ہے کہ وہ پرامن حل اور عوامی ریلیف کے لیے تمام ممکنہ راستے تلاش کرنے کے لیے سنجیدہ ہے۔ اگلے نشست میں پیٹرولیم لیوی کی شرح، بجلی کے بلوں میں ٹیکسز اور دیگر بنیادی مطالبات پر تفصیلی پیش رفت کا امکان ہے۔