ایرانی فوج کا طویل جنگ کیلئے مکمل تیاری اور پیشگی کارروائیوں کا اعلان

ایرانی فوج کے ترجمان بریگیڈیئر جنرل محمد اکرمی نیا نے واضح کیا ہے کہ ضرورت پڑنے پر دشمن کی کسی بھی جارحیت یا دراندازی کو روکنے کے لیے پیشگی کارروائیاں کی جائیں گی، اور مسلح افواج اس کے لیے مکمل صلاحیت رکھتی ہیں۔ انہوں نے کہا کہ ایرانی فوج طویل مدتی جنگ کے لیے پوری طرح تیار ہے اور اس مقصد کے لیے دفاعی ذخائر کو مزید مضبوط بنا دیا گیا ہے۔ بریگیڈیئر جنرل محمد اکرمی نیا کے مطابق ملک میں میزائلوں اور ڈرونز کی تیاری کا عمل مسلسل جاری ہے جبکہ جنگی طیاروں، ہیلی کاپٹروں کے پرزہ جات، بحری جہازوں اور جدید فضائی دفاعی نظام کی تیاری بھی ملکی سطح پر کی جا رہی ہے۔