ہمسایہ ممالک سے مذاکرات جاری، دشمن کو مایوس کرینگے: مسعود پزشکیان

ایرانی صدر مسعود پزشکیان نے اپنے ایک بیان میں کہا ہے کہ ایران ہر حال میں اپنی مزاحمت جاری رکھے گا اور دشمن کے ناپاک عزائم کو خاک میں ملاتے ہوئے اسے مایوس کرے گا۔ انہوں نے واضح کیا کہ ایران اپنی موجودہ ضروریات کو پورا کرنے کے لیے ہمسایہ ممالک کے ساتھ مذاکرات کا سلسلہ جاری رکھے ہوئے ہے، تاہم ملکی وسائل اور خود انحصاری ہی ایران کی اولین ترجیح ہے۔ صدر مسعود پزشکیان کا کہنا تھا کہ قومی اتحاد اور باہمی تعاون ایران کی اصل طاقت ہے، اور حکومت کو مشکلات میں گرے ہوئے عوام کا سہارا بننا چاہیے۔ انہوں نے زور دیا کہ عوام کی راہ میں رکاوٹیں کھڑی کرنے کے بجائے فلاحی اور سماجی تعاون کا دائرہ کار وسیع کیا جانا چاہیے تاکہ معاشرے کے کمزور طبقات کو بہترین معاونت فراہم کی جا سکے۔