LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
جے شاہ دوسری مدت کیلئے بلامقابلہ آئی سی سی چیئرمین منتخب تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی 13 سالہ لڑکی کا تشدد سے قتل کیس: پولیس افسر کی اہلیہ اور قاری کا جسمانی ریمانڈ منظور توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار یمنی حکومتی فورسز کا باب المندب کے علاقے سے انخلا کا اعلان غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم پاکستان سٹاک مارکیٹ میں کاروبار کا مثبت رحجان ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع ڈسپلن کی خلاف ورزی اور ناقص کارکردگی، عماد بٹ اذلان شاہ ہاکی ٹورنامنٹ سے باہر جنوبی کوریا میں اے آئی کے ذریعے امتحان میں نقل کرنے والا ٹاپر پکڑا گیا ٹرمپ کی قدامت پسند ججوں کی تقرری کی کوششوں کو ریپبلکن سینیٹرز کی مخالفت کا سامنا

نئے صوبوں کا فیصلہ پارلیمنٹ کرے گی، حکومت خود ریفرنڈم نہیں کرا سکتی:رانا ثناء اللہ

Web Desk

12 September 2026

لاہور: وزیراعظم کے مشیر اور پاکستان مسلم لیگ (ن) کے سینئر رہنما رانا ثناء اللہ نے کہا ہے کہ نئے صوبوں کی تشکیل اور نئے فیصلوں کا تمام تر اختیار صرف اور صرف پارلیمنٹ کے پاس ہے، حکومت تنہا ریفرنڈم کرانے کا فیصلہ نہیں کر سکتی۔

لاہور میں پریس کانفرنس کرتے ہوئے رانا ثناء اللہ نے واضح کیا کہ نئے صوبوں کی بحث مناسب اور درست فورم (پارلیمنٹ) سے شروع نہیں ہوئی تھی، تاہم جب معاملہ پارلیمنٹ میں آئے گا تو بات بہتر سمت میں آگے بڑھے گی اور مسلم لیگ (ن) تمام آراء کا جائزہ لینے کے بعد وزیراعظم کی قیادت میں اپنا حتمی موقف پیش کرے گی۔

انہوں نے کہا کہ اگر عوام کی حقیقی خواہش ہو تو نئے صوبے بنانے سے کوئی نہیں روک سکتا، تاہم یہ کہنا کہ صوبے بنیں گے یا نہیں، پارلیمنٹ کے اعلیٰ فورم کو ڈکٹیٹ کرنے کے مترادف ہوگا؛ پارلیمنٹ کا ہر فیصلہ تمام جماعتوں کو تسلیم کرنا ہوگا۔ گورنر ہاؤس میں پاکستان پیپلز پارٹی (PPP) کے ساتھ اہم میٹنگ ہوئی ہے جس میں آزاد کشمیر کے حالیہ انتخابات سے پیدا ہونے والی باہمی تلخیوں اور صوبائی معاملات پر تفصیلی گفتگو کی گئی۔ انہوں نے تصدیق کی کہ پنجاب حکومت جلد از جلد بلدیاتی انتخابات کے انعقاد کا کامل ارادہ رکھتی ہے۔ جماعت اسلامی کے مطالبات پر حکومت نے سنجیدگی سے غور کیا ہے اور بجلی، لوڈشیڈنگ اور پیٹرولیم کی قیمتوں میں کمی پر وزیراعظم تفصیلی اقدامات کر رہے ہیں۔ رانا ثناء اللہ نے جماعت اسلامی کے رہنماؤں سے درخواست کی کہ وہ خود کو مشقت میں ڈالنے سے گریز کریں اور واضح کیا کہ اگر احتجاج کا مقصد حکومت گرانا ہوا تو وہاں تشدد کا خدشہ پیدا ہو سکتا ہے۔