پاکستان میں 1 کروڑ 29 لاکھ افراد ہیپاٹائٹس کا شکار: عالمی ادارہ صحت
Web Desk
28 July 2026
عالمی ادارہ صحت (ڈبلیو ایچ او) کی جاری کردہ ہولناک رپورٹ کے مطابق پاکستان میں ایک کروڑ 29 لاکھ سے زائد افراد ہیپاٹائٹس کے خطرناک مرض میں مبتلا ہیں، جبکہ ملک بھر میں اس موذی بیماری کے باعث سالانہ 48 ہزار سے زائد اموات ہو رہی ہیں۔ رپورٹ میں انکشاف کیا گیا ہے کہ پاکستان میں ہر 11 منٹ بعد ایک شخص ہیپاٹائٹس کی وجہ سے جاں بحق ہو جاتا ہے، جس کی وجہ سے پاکستان دنیا بھر میں ہیپاٹائٹس سی سے سب سے زیادہ متاثر ہونے والے ممالک کی فہرست میں شامل ہو چکا ہے۔
تفصیلات کے مطابق پاکستان میں 91 لاکھ افراد ہیپاٹائٹس سی اور 38 لاکھ افراد ہیپاٹائٹس بی کا شکار ہیں۔ صورتحال کی سنگینی کا اندازہ اس بات سے لگایا جا سکتا ہے کہ ہر 10 میں سے صرف 3 مریضوں کو مناسب علاج اور طبی سہولیات میسر ہیں جبکہ لاکھوں افراد اب بھی علاج سے محروم ہیں۔ ڈبلیو ایچ او کی رپورٹ کے مطابق پاکستان میں ہیپاٹائٹس پھیلنے کی بنیادی وجوہات میں غیر محفوظ انجیکشنز کا استعمال اور خون کی غیر محفوظ منتقلی شامل ہیں، جن کے باعث صرف 2024 میں ہیپاٹائٹس سی کے 88 ہزار سے زائد نئے کیسز سامنے آئے تھے۔
عالمی ادارہ صحت نے 2030 تک دنیا بھر سے ہیپاٹائٹس کے مکمل خاتمے کے عالمی ہدف کے حصول کے لیے پاکستان میں ہنگامی بنیادوں پر اقدامات تیز کرنے پر زور دیا ہے۔ اس سلسلے میں وزیراعظم قومی پروگرام کے تحت پاکستان میں ہیپاٹائٹس کی تشخیص، روک تھام اور مفت علاج کی سہولیات کی فراہمی کے لیے اقدامات کیے جا رہے ہیں تاکہ اس ہلاک خیز بیماری کا ملک سے خاتمہ ممکن بنایا جا سکے۔
متعلقہ عنوانات
ترک کمانڈر کی ایئر ہیڈ کوارٹرز آمد، پاک فضائیہ کی پیشہ ورانہ صلاحیتوں کی تعریف
17 November 2026
پٹرول مزید 3 روپے فی لٹر سستا، ڈیزل کی قیمت برقرار
17 November 2026
امریکا کی ایک بار پھر ایران کے جزیرے قشم پر بمباری، فضائی دفاعی نظام نشانے پر
17 November 2026
پشاور ہائیکورٹ کے گیٹ سے پی ٹی آئی کے 3 سابق صوبائی وزرا گرفتار
17 November 2026
اسحاق ڈار سے صدر عالمی ریسکیو کمیٹی کی ملاقات، انسانی ہمدردی کے امور پر تبادلہ خیال
17 November 2026
بلائنڈ کرکٹ ایشیا کپ: پاکستان نے بھارت کو ہرا کر فائنل میں جگہ بنالی
17 November 2026
بلاول بھٹو کی آج پریس کانفرنس میں تضاد اور دہرا معیار نظر آیا: عطا تارڑ
17 November 2026
ملک کا نظام تباہ ہو چکا، بلاول نے درست نشاندہی کی: سلمان اکرم راجہ
17 November 2026