وفاقی وزیر داخلہ محسن نقوی کی سری لنکن ہم منصب سے ملاقات، انسداد منشیات اور پولیس ٹریننگ میں تعاون بڑھانے پر اتفاق
Web Desk
8 July 2026
پاکستان کے وفاقی وزیرِ داخلہ و نارکوٹکس کنٹرول محسن نقوی کی اقوامِ متحدہ کے ہیڈ کوارٹر میں سری لنکا کے وزیرِ داخلہ آنند وجے پالا سے ایک اہم ملاقات ہوئی ہے، جس میں دوطرفہ سیکیورٹی تعاون کو مزید مضبوط بنانے پر تفصیلی تبادلہ خیال کیا گیا۔
ملاقات کے دوران دونوں وزرائے داخلہ نے منشیات کی اسمگلنگ کے سدِباب کے لیے مؤثر کوآرڈینیشن قائم کرنے پر اتفاق کیا، جبکہ پولیس ٹریننگ کے شعبے میں باہمی تعاون کو مزید بڑھانے کا فیصلہ بھی کیا گیا۔ دونوں رہنماؤں نے غیر قانونی امیگریشن اور جعلی پاسپورٹ پر سفر کرنے والے مسافروں کی روک تھام کے لیے اشتراکِ کار بڑھانے کے عزم کا اظہار کیا۔ اس ضمن میں فیصلہ کیا گیا کہ دونوں ممالک کے امیگریشن کے سربراہان فی الفور ایک دوسرے سے رابطہ قائم کریں گے۔
ملاقات میں جرائم پیشہ افراد کے نیٹ ورکس اور منی لانڈرنگ کے خاتمے کے لیے ایک مفاہمتی یادداشت (MoU) پر بھی تبادلہ خیال کیا گیا۔ دونوں وزرائے داخلہ نے باہمی روابط کو مستقل بنیادوں پر آگے بڑھانے کے لیے دونوں وزارتوں کے مابین ایک ‘جوائنٹ ورکنگ گروپ’ تشکیل دینے پر اتفاق کیا، جبکہ ویزا سے متعلق درپیش مسائل کو ترجیحی بنیادوں پر حل کرنے کا بھی فیصلہ کیا گیا
متعلقہ عنوانات
دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال
18 November 2026
نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب
18 November 2026
امریکی سینیٹ کمیٹی نے نئے امریکی جوہری بم بی 94 کا نام ظاہر کردیا
18 November 2026
امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند
18 November 2026
روس کا فوجی مال بردار طیارہ سائبیریا میں گر کر تباہ، 19 افراد ہلاک
18 November 2026
پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن
18 November 2026
دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ
18 November 2026
عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ
18 November 2026