سانحہ بلدیہ تفصیلی فیصلہ جاری, سزائے موت پانے والے ملزمان رحمان بھولا اور زبیر چریا کو بری کر دیا
Web Desk
6 July 2026
سپریم کورٹ آف پاکستان نے سانحہ بلدیہ ٹاؤن فیکٹری کیس کا 39 صفحات پر مشتمل تفصیلی تحریری فیصلہ جاری کرتے ہوئے سزائے موت پانے والے دو مرکزی ملزمان محمد زبیر عرف چریا اور عبدالرحمن عرف بھولا کو بری کر دیا ہے اور سندھ ہائیکورٹ و انسدادِ دہشت گردی عدالت کے سابقہ فیصلے کالعدم قرار دے دیے ہیں۔ جسٹس ملک شہزاد احمد خان کا تحریر کردہ یہ فیصلہ، جس سے جسٹس عقیل احمد عباسی اور جسٹس شکیل احمد نے بھی اتفاق کیا ہے، واضح کرتا ہے کہ استغاثہ ملزمان کے خلاف الزامات ثابت کرنے میں مکمل ناکام رہا۔ عدالتِ عظمیٰ کے مطابق، ڈھائی سال کی تاخیر سے سامنے آنے والی نئی کہانی اور بیانات قابلِ اعتماد نہیں، جبکہ مبینہ عدالتی اعترافِ جرم بھی کسی آزاد شہادت سے ثابت نہیں ہو سکا۔ فیصلے میں مزید کہا گیا کہ فرانزک شواہد سے فیکٹری میں کیمیکل کے استعمال کا دعویٰ ثابت نہیں ہوا اور نہ ہی 34 زخمی گواہوں میں سے کسی نے ملزمان کے خلاف بیان دیا۔ عدالت نے سی سی ٹی وی فوٹیج پیش نہ کرنے کو استغاثہ کی کمزوری قرار دیتے ہوئے ریمارکس دیے کہ شک کا فائدہ ملزم کا قانونی حق ہے، لہٰذا قیاس آرائیوں پر سزا برقرار نہیں رکھی جا سکتی۔ مزید برآں، عدالت نے ایم کیو ایم پاکستان کے خلاف دیے گئے عدالتی ریمارکس کو بھی حذف کرنے کا حکم دیا ہے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026