LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

پاکستان میں مرد بھی ہراساں ہونے لگے، خواتین کے بعد ان کا بھی محتسب سے رجوع

Web Desk

4 July 2026

پاکستان میں کام کی جگہوں پر خواتین کے ساتھ ساتھ اب مردوں کو بھی ہراساں کیے جانے کے واقعات میں خطرناک حد تک اضافہ دیکھنے میں آ رہا ہے۔ ایکسپریس نیوز کو دستیاب دستاویزی حقائق کے مطابق، وفاقی محتسب برائے انسدادِ ہراسیت (فوسپا – FOSPAH) میں درج ہونے والی مجموعی شکایات میں سے تقریباً 40 فیصد شکایات خود مردوں کی جانب سے درج کروائی گئی ہیں۔

دستاویزات کے مطابق، ایک سال کے دوران مجموعی طور پر 1,290 مرد و خواتین نے ہراسانی کے خلاف وفاقی محتسب سے رجوع کیا، جس میں سے 521 مردوں نے کام کی جگہ پر ہراسانی کی شکایات درج کروائیں۔ وفاقی محتسب نے فوری کارروائی کرتے ہوئے ان میں سے 1,104 شکایات کو نمٹا دیا ہے۔ اعداد و شمار کے مطابق، مردوں اور خواتین کو ہراساں کرنے کے کیسز میں فوسپا کا ہیڈ آفس اسلام آباد پہلے نمبر پر جبکہ پنجاب دوسرے نمبر پر رہا ہے۔

صوبائی سطح پر مردوں کی جانب سے درج کرائی گئی شکایات میں وفاقی دارالحکومت اسلام آباد کے بعد پشاور سے 42، کراچی سے 24 اور بلوچستان سے 2 مردوں نے کام کی جگہ پر ہراسانی کے خلاف وفاقی محتسب سے رجوع کیا۔ دوسری جانب، اسی عرصے کے دوران 769 خواتین نے بھی ہراسانی کے خلاف فوسپا میں شکایات درج کروائیں، جن میں سب سے زیادہ تعداد اسلام آباد سے 496 اور پنجاب سے 154 خواتین کی رہی۔ ماہرین کے مطابق، ان اعداد و شمار سے واضح ہوتا ہے کہ کام کی جگہوں پر محفوظ ماحول فراہم کرنا اب دونوں جنسوں کے لیے یکساں چیلنج بن چکا ہے۔