وزیراعظم شہید آیت اللہ خامنہ ای کے تعزیتی اجتماع میں شرکت کے بعد ترکیہ روانہ
Web Desk
3 July 2026
وزیراعظم میاں محمد شہباز شریف شہید ایرانی سپریم لیڈر آیت اللہ علی خامنہ ای کے تعزیتی اجتماع میں شرکت اور آخری رسومات کی ادائیگی کے بعد ایران کے دارالحکومت تہران سے اپنے طے شدہ سرکاری دورے پر ترکیے (استنبول) روانہ ہو گئے ہیں۔
وزیراعظم شہباز شریف نے تہران میں منعقدہ عالمی رہنماؤں کے خصوصی تعزیتی اجتماع میں پاکستان کے ایک اعلیٰ سطح کے وفد کی قیادت کی۔ اس اہم وفد میں نائب وزیراعظم و وزیر خارجہ اسحاق ڈار، چیف آف ڈیفنس فورسز فیلڈ مارشل سید عاصم منیر، وفاقی وزیر داخلہ محسن نقوی اور وفاقی وزیر اطلاعات و نشریات عطا اللہ تارڑ شامل تھے۔ ان کے ہمراہ پاکستان پیپلز پارٹی کے چیئرمین بلاول بھٹو زرداری اور دیگر اعلیٰ ملکی حکام نے بھی اجتماع میں شرکت کی۔
اجتماع کے دوران وزیراعظم شہباز شریف، فیلڈ مارشل سید عاصم منیر اور وفد کے تمام ارکان نے شہید سپریم لیڈر آیت اللہ علی خامنہ ای کے درجات کی بلندی کے لیے فاتحہ خوانی کی اور ایرانی قیادت و عوام سے دلی تعزیت کا اظہار کیا۔
اس موقع پر شہید رہبرِ اعلیٰ کو زبردست الفاظ میں خراجِ عقیدت پیش کرتے ہوئے وزیراعظم شہباز شریف نے کہا کہ شہید سپریم لیڈر نے کئی دہائیوں تک غیر معمولی بصیرت، حکمت، تدبر اور دور اندیشی کے ساتھ ایرانی قوم کی بے مثال رہنمائی کی۔ انہوں نے مزید کہا کہ مسلم امہ اور علاقائی امن کے لیے ان کی گراں قدر خدمات کو ہمیشہ یاد رکھا جائے گا اور پاکستان دکھ کی اس گھڑی میں اپنے برادر اسلامی ملک ایران کے ساتھ مکمل یکجہتی کا اظہار کرتا ہے۔ تہران میں مصروفیات مکمل کرنے کے بعد وزیراعظم اپنے وفد کے ہمراہ دوطرفہ سٹریٹجک تعلقات کو مزید فروغ دینے کے لیے استنبول روانہ ہو گئے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026