LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

این ڈی ایم اے کی ایمرجنسی رسپانس کمیٹی کا پہلا اجلاس، مون سون خطرات کا جائزہ لیا گیا

Web Desk

3 July 2026

وزیرِ اعظم پاکستان کی خصوصی ہدایات پر تشکیل دی گئی ‘ایمرجنسی رسپانس کمیٹی’ کا پہلا باقاعدہ اجلاس نیشنل ڈیزاسٹر مینجمنٹ اتھارٹی (NDMA) کے ہیڈکوارٹرز میں منعقد ہوا، جس میں مون سون 2026 کے دوران ممکنہ موسمی خطرات، طوفانی بارشوں، سیلابی صورتحال، قومی تیاریوں اور ہنگامی ردعمل کے نظام کا تفصیلی جائزہ لیا گیا۔

اس اہم ترین اجلاس کی صدارت وفاقی وزیرِ منصوبہ بندی و ترقی احسن اقبال نے ویڈیو لنک کے ذریعے کی، جبکہ وفاقی وزیرِ موسمیاتی تبدیلی مصّدق ملک، چیئرمین این ڈی ایم اے اور دیگر متعلقہ وفاقی و حساس اداروں کے اعلیٰ نمائندگان نے اجلاس میں خود شرکت کی۔

اجلاس کے دوران شرکا کو باقاعدہ مطلع کیا گیا کہ نیشنل ڈیزاسٹر مینجمنٹ اتھارٹی (NDMA) اس نو تشکیل شدہ ایمرجنسی رسپانس کمیٹی کے مستقل سیکریٹریٹ کے طور پر اپنے فرائض سرانجام دے گی۔ اجلاس میں وفاق، چاروں صوبوں اور دیگر متعلقہ اداروں کے مابین سیکیورٹی اور ریلیف آپریشنز کے لیے مؤثر رابطہ کاری (Coordination) اور کسی بھی ناگہانی آفت کی صورت میں فوری ردعمل کے نظام کو فول پروف بنانے پر زور دیا گیا۔ اس موقع پر فیصلہ سازی کو تیز تر کرنے کے لیے تمام صوبوں کے چیف سیکرٹریز کو بھی کمیٹی میں بطور شریک اراکین (Co-opted Members) شامل کرنے کی باقاعدہ منظوری دی گئی۔

اجلاس میں ماہرین کی جانب سے مون سون کے دوران ملکی زرعی پیداوار، آبی ذخائر کی موجودہ صورتحال اور قومی انفراسٹرکچر پر پڑنے والے ممکنہ منفی اثرات کا بھی سائنسی و تکنیکی بنیادوں پر تفصیلی جائزہ لیا گیا۔ تمام شرکا اور وفاقی وزرا نے اس پختہ عزم کا اعادہ کیا کہ ایک مربوط، منظم اور پیشگی قومی حکمتِ عملی کے ذریعے مون سون 2026 کے دوران شہریوں کے جان و مال کے تحفظ کو ہر صورت یقینی بنایا جائے گا اور ممکنہ نقصانات کو کم سے کم کرنے کے لیے تمام دستیاب وسائل بروئے کار لائے جائیں گے۔